Բարի, գեղեցիկ, առաքինի ընկերը մարդուն,
Փայլեցնում է արևի պես պատկերը մարդուն,
Ինչ մարդ ունենա յուր մոտը հավատարիմ ընկեր՝
Ցերեկի նման անցնում է մութ գիշերը մարդուն:
Կյանքդ նվիրես ընկերի լավին, քիչ է դարձյալ,
Այնպեսն է հոգեկան լուսատու լապտերը մարդուն,
Ընկեր եմ ասում՝ հաստատակամ, ճշմարիտ ընկեր,
Որ բարձրացընե աստիճանը միշտ վերը մարդուն:
Թշնամիները իր վերա գալած ժամանակը,
Կտրիճ հարազատ ընկերն է՝ սուսերը մարդուն,
Ով որ ունենա մտերիմ ընկեր, Ջիվան աշուղ,
Չի՜ սպիտակիլ ամենևին մեկ հերը մարդուն:
Աշուղ Ջիվանի