Ես ատում եմ քո անունը,
Ինչպես որ դու քեզ փայփայած
Իմ ձեռքերն ես ատում գուցե։

Ես ատում եմ քո անունը,
Որ խրվել է իմ լեզվի մեջ
Փշատենու փշի նման։

Եվ դու ինչո՞ւ ինձ չես հարցնում,
Թե քո անունն ի՛նչ գույն ունի։
Ես ատում եմ եւ այդ գույնը։
              ***

 Եթե աղջիկ ես ունենամ՝
Նա կկոչվի քո՛ անունով։

Ես ատում եմ քո անունը...

 

Теги: армянские стихи армянские стихи на армянском языке Պարույր Սևակ Paruyr Sevak Паруйр Севак