Ձյուն է իջել բարձր սարին,

Ծաղիկներս մրսում են,

Նայում եմ քո ճանապարհին,

Ես առանց քեզ տխրում եմ:

 

Կռունկները եկան, անցան,

Դու նրանց հետ մի գնա,

Արի, վառի իմ տան լույսը,

Դու մնա, դու մի գնա:

 

Քո հասակը կանաչ բարդի,

Ինձ թող ապրեմ քո շուքին,

Ես նման եմ շաղոտ վարդի,

Ինձ խառնիր քո շշուկին:

 

Կռունկները եկան, անցան,

Դու նրանց հետ մի գնա,

Արի, վառի իմ տան լույսը,

Դու մնա, դու մի գնա:

 

Խոսք` Լ. Դուրյանի

Երաժշտ.` Խ. Ավետիսյանի

 

Теги: тексты армянских песен