Ջինջ ճախրում են ղողանջները հորիզոնից - հորիզոն

-Ինչ տրտո՛ւմ է, կապույտ աղջիկ, հրաժեշտի երեկոն...

 

Տրտմություն ու լույս է իջել քո աչքերում, իմ հոգում.

Օրհնե՜նք, օրհնե՜նք այս երկրային հրաժեշտի երեկոն...

 

Եվ թող հալվե՜ն, ձուլվե՜ն, մարվե՜ն իրիկնային կապույտում

Մեր կույս հոգու իրիկնային սպասումները տրտում:

 

Եվ զանգերը անրջորեն, հորիզոնից - հորիզոն,

Օրհներգելով թող օրորեն հրաժեշտի երեկոն...

 

Եղիշե Չարենց

Теги: Եղիշե Չարենց армянские стихи армянские стихи на армянском языке