Регистрация   Обратная связь   RSS
 

«    Июль 2020    »
ПнВтСрЧтПтСбВс
 12345
6789101112
13141516171819
20212223242526
2728293031 

 

Популярное

 

Облако тегов

Avetik Isahakyan Daniel Varujan Exishe Charenc Grigor Zohrap Hovhannes Shiraz Nerses Shnorhali Paruyr Sevak Vahan Teryan Xazaros Axayan Аветик Исаакян Ваан Терян Григор Зорап Даниел Варужан Егише Чаренц Ованес Туманян Паруйр Севак Рассказы Сиаманто Силва Капутикян Хазарос Ахаян армянские сказки армянские стихи армянские стихи на армянском языке тексты армянских песен Ավետիք Իսահակյան Գրիգոր Զոհրապ Գևորգ Էմին Դանիել Վարուժան Եղիշե Չարենց Համո Սահյան Հովհաննես Թումանյան Հովհաննես Շիրազ Ղազարոս Աղայան Ներսես Շնորհալի Պարույր Սևակ Ռաֆայել Պատկանյան Սիամանթո Սիլվա Կապուտիկյան Վահան Տերյան

ԱՓ ՄԸ ՄՈԽԻՐ, ՀԱՅՐԵՆԻ ՏՈՒՆ...

 Ա

 

 Ավա՜ղ, սպարանքի մը պես մեծ էիր և շքեղ,

 ՈՒ ես` երդիքներուդ սպիտակ կատարեն,

 Աստղածորան գիշերներու լույսին հետ,

 Վարեն, ահեղավազ Եփրատին կ'ունկնդրեի...:

 

 Բ

 

 Արցունքո՜վ, արցունքո՜վ լսեցի որ ավերակ առ ավերակ

 Քու լայնանիստ պատերդ իրարու վրա կործանեցին,

 Սարսափի օր մը, կոտորածի օր մը, օր մը արյունի...

 Զքեզ եզերող պարտեզիդ ծաղկըներուն վրա:

 

 Գ

 

 ՈՒ մոխրացա՜վ այն սենյակը կապույտ,

 Որուն որմերուն ետև և գորգերուն վրա

 Իմ երջանիկ մանկությունս կը հրճվեր,

 Եվ կյանքս կ'աճեր և հոգիս իր տևերը կ'առներ...

 

 Դ

 

 Փշրեցա՞վ, ուրեմն, այն հայելին ոսկեծիր,

 Որուն եթերային խորությանը մեջ,

 Երազներս, հույսերս, սերերս և կամքս կարմիր,

 Տարիներով, մտածումիս հետ, ցոլացին...:

 

 Ե

 

 ՈՒ բակին մեջ երգող աղբյուրը մեռա՞վ,

 ՈՒ կոտրտեցա՞ն պարտեզիս ուռին և թթենին.

 Եվ այն առվակը որ ծառերուն մեջեն կը հոսեր,

 Ցամքեցա՞վ, ըսե', ո՞ւր է, ցամքեցա՞վ, ցամքեցա՞վ...

 

 Զ

 

 Օ', այն վանդակին կ'երազեմ հաճախ,

 Որուն մեջ գորշագույն կաքավս, առավոտուն,

 Արևածագին հետ և վարդի թուփերուն դիմաց,

 Զարթնումի ժամուս` հստակորեն կը կարգճեր...:

 

 Է

 

 Հայրենի՜ տուն, հավատա' որ մահես հետո,

 Քու ավերակներուդ սևին վրա իմ հոգիս

 Պիտի գա, որպես տատրակ մը տարագիր,

 Իր դժբախտի երգն և արցունքը լալու...:

 

 Ը

 

 Բայց ո՜վ պիտի բերե, ո՜վ պիտի բերե, ըսե,

 Քու սրբազան մոխիրեդ ափ մը մոխիր,

 Մահվանս օրը, իմ տրտում դագաղիս մեջ,

 Հայրենիքս երգողի իմ աճյունին խառնելու...

 

 Թ

 

 Ափ մը մոխի՜ր աճյունիս հետ, Հայրենի տուն,

 Ափ մը մոխի՜ր քու մոխիրեդ, ո՜վ պիտի բերե,

 Քու հիշատակե'դ, քու ցավե'դ, քու անցյալե'դ,

 Ափ մը մոխիր... իմ սրտիս վրան ցանելու...:

 

Սիամանթո

 


Теги: армянские стихи армянские стихи на армянском языке Սիամանթո Siamanto Сиаманто


 

 

 
Rambler's Top100 Рейтинг@Mail.ru 2007-2011 © Hayreniq.ru Все права защищены. При использовании материалов Hayreniq.ru ссылка на ресурс обязательна.